Мөлхөө ээрэхээр утас ээрэх үед сунгах болон эрчлэх үйлдлийг зэрэг хийдэг бөгөөд ээрсэн утасны эрч нь тохиргооны дагуу гүйцэтгэсний дараа, ээрсэн утсаа гол дамарт шилжүүлэн ороодог. Энэ ээрэх процессыг завсрын ээрэх гэж нэрлэдэг. Завсрын ээрэх нь том талбайг шаардаг боловч утаснуудын жигд байдаг тул энэ нь арга нь тасралтгүй оршин тогтнож, хөгжсөөр байна. Завсрын ээрэх нь нарийн ээрэхийн үечилсэн хөдөлгөөнд багтах бөгөөд татах, эрчлэх, эргүүлэх, тэжээх, ороох хөдөлгөөнд тохирно. Ээрсэн утаснуудын хэсгийг гол дамарт ороох ба утас гогцоонд ороох бүрийг ээрэх цикл гэж нэрлэдэг. Энэ мөчлөгийн урт нь машин бүрийн урт, утасны урт болон эрчлэлийн тоогоор тодорхойлдог. Одоогоор ашиглагдаж байгаа хэд төрлийн мөлхөө ээрэх машины ээрэх цикл нь ерөнхийдөө 12 секундээс 25 секундийн хооронд хэлбэлздэг.
Цувимлыг ролд ороогдон гарсны дараа мөлхөө машинаар сунгана. Мөлхөө сунгах гэдэг нь цувимлыг анхны эрч авахыг хэлнэ. Санах машинаас гарч буй цувимал нь үргэлж жигд бус зузаантай байдаг. Нимгэн хэсэгт ширхэгтийн тоо бага, мөн эрч өгөх хүч нь бага байдаг тул сунгах явцад илүү их эрч нэмэгдэж, утас хоорондын уялдаа холбоо, үрэлтийг нэмэгдүүлдэг. Мөн утсыг сунгах үед нимгэн хэсгийг сунгах нь тийм ч хялбар биш зузаан хэсгийн хувьд эсрэгээрээ байдаг тул утсыг аажмаар жигд болгох зорилгод нийцдэг.
Босоо ээрэх машин нь ган бегун болон ган цалгирга хоорондох харьцангуй эргэлт нь утсанд эрч өгдөг. Цувимал утас нь ган бегунаар эргэдэг бөгөөд энэхүү ээрэх үйл явц дунд утас нь үрэлт болон мөргөлдөөнд өртдөг. Мөлхөө ээрэх нь булны шууд эргэлтээр эрч өгөх арга юм. Эрчлэх явцад утас нь үрэлт, мөргөлдөөнд өртдөггүй. Энэ нь утас ээрэх явцад "ширхэгт унах" -ыг багасгаж, утсыг бүрэн, жигд болгодог бөгөөд энэ нь ялангуяа туулайн үсийг ээрэхэд тохиромжтой.
Мөлхөө ээрэх машинаар ээрэх үед утсанд үйлчлэх бат бөх чанар маш бага байдаг тул ээрсэн утасны эрч харьцангуй бага байх боломжтой. Жишээлбэл, 16 гэчийн утсыг босоо ээрэхээр ээрэхэд эргэлт нь 320 эргэлт/метр байх шаардлагатай байдаг бөгөөд энэ нь багасах тусам босоо ээрэх дээр тасралт ихэсдэг. Харин мөлхөө ээрэх дээр 16 гэчийн утас ээрэхэд эргэлтийг 240 эргэлт/метр хүртэл багасгаж болдог.
Сүлжихийн ноосон утас нь эрч багатай байх шаардлагатай, учир нь эрч их байх тусам ноосон утас сүлжихэд ташдаг. Тиймээс мөлхөө ээрэх машин нь сүлжихийн утас, түүнчлэн олон төрлийн түүхий эд холилдсон утас ээрэхэд илүү тохиромжтой.
